Sindiswa Nxumalo
Basale bencinda iminwe abalandeli be Orlando Pirates abebethamele umdlalo wamanqamu we-MTN8 eBat of Plenty eNorth Beach.
I-Orlando Pirates ibidlala neqembu le-Mamelodi Sundowns yehlulwa ngamaphuzu amabili eqandeni (2-0) emdlalweni obudlalwa eMoses Mabida Stadium eThekwini.
Lo mdlalo bewulangazelelwe abaningi njengoba abathandi nabalandeli bebhola bephume ngobuningi bezokweseka amaqembu abawathandayo abanye bezozibonela la maqembu edelisana inkani.
Abanye babalandeli abebekhona abeqembu le-Kaizer Chiefs abebefike ngenhloso yokuzokweseka iMamelodi Sundowns ephethe ngokunqoba.
Abalandeli bebhola sebelindele umdlalo wezimbangi zaseSoweto (Soweto Derby) ozoba ngomhlaka 31 kwephezulu ozoba se-FNB Stadium eGoli.
